A búsqueda do comezo

 

A arte é efémera,

mais por que escribo

se non quero deixar pegada de min?

 

Gústame a néboa

porque a súa densidade esvaécese

nun instante non buscado.

Así, disipo os meus límites

nesta efémera inmaterialidade.

 

Aquí fico,

sen rumbo, sen tempo,

sen recipiente onde conterme,

sen camiño que camiñar.

Non atopo do sendeiro o comezo,

seica está fóra (ou dentro?).

 

Todo o demais, sobra.