A luz nas costas

 

Obxectivamos o subxectivo

para evitar o apego

que desgarra.

 

Rexeitamos retornar

ás cidades que mudaron

para non romper.

 

Falamos do abstracto

para non reconstruír

as casas derrubadas.

 

As caídas cortan,

os regresos parten,

o sentimento crava

e mata

pouco a pouco.

 

E todo isto que nos estanca

acontece mentres nós

tan só anhelamos camiñar

para ascender.